የእኔና ጋሽ አስፋው ትውውቅ

ማትሪክ በወሰድኩ በአመቱ፡፡ በ1990 መሆኑ ነው፡፡ 19 አመት ሳይሞላኝ፡፡ ስድስት ኪሎ የ1ኛ አመት ተማሪ ሳለን ፡፡ ከውድ አብሮ አደግ ጉዋደኛዮ ጋር ከናይእግዚ ህሩይ ጋር የልጆች መጽሄት ለመጀመር ከንግድና ኢንዱስትሪ ፍቃድ አወጣን፡፡ከዛም እንግዳ ሊሆኑ የሚችሉ በተለይ ልጅነታቸውን ሊያወሩ የሚችሉ በሚል ጋሽ አስፋውን መረጥን፡፡

በምን አጋጣሚ ማን ስልካቸውን እንደሰጠኝ ባላውቅም ብቻ ተገናኝተን በዛን ወቅት ቃለ-መጠይቅ አደረግኩላቸው፡፡ እንዴት ተባባሪ ሰው እንደሆኑ ይታሰበኛል፡፡

በወቅቱ የ63 አመት ሰው ነበሩ፡፡ ምርጥ ምርጥ ምስል ሰጡኝ፡፡ ለአዲሲትዋ መጽሄት ምን ያህል አሪፍ እንደነበር አስቡት፡፡

እኔም ናይእግዚም ትኩስ የ19 አመት ልጆች ነበርንና ደስታችን አየለ፡፡ ምን ም መጽሄትዋ ለመታተም ባትችል የ2 ወር ባክሎግ ሰርተን ንግድ ፈቃዱ ተመለሰ፡፡ ጋሽ አስፋው ግን ያኔ የሰጡን ሞራል አሁን ድረስ አቆየን፡፡